2026 жылғы 3 сәуірде Алматы қаласы Медеу ауданының «Дебют» шахмат клубында салауатты өмір салтын насихаттауға, ардагерлерді белсенді спорттық қызметке тартуға және жас ұрпаққа үлгі көрсетуге бағытталған ардагерлер арасындағы шахматтан қалалық турнир өтті.
Жарысқа қаланың сегіз ауданының өкілдері – барлығы 40 адам қатысты.
Командалық есеп қорытындысы бойынша орындар былайша бөлінді:
1-орын – Алмалы ауданы;
2-орын – Медеу ауданы;
3-орын – Әуезов ауданы;
4-орын – Жетісу ауданы.
Турнир салауатты бәсеке ахуалында өтіп, қатысушылардың жоғары дайындық деңгейі мен жеңіске деген ұмтылысын көрсетті.
Алматы қалалық ардагерлер кеңесінің атынан спорт жөніндегі комиссияның төрағасы Токмолдаев Н.М. жеңімпаздарға грамоталар мен естелік сыйлықтар табыс етті. Ерекше белсенділік пен жеңіске деген жігер танытқан қатысушылар алғыс хаттармен марапатталды.
