2026 жылғы 23 шілдеде «Әділет» партиясының республикалық және өңірлік сайлауалды штабтары ресми түрде ашылды. Партияның 2026–2031 жылдарға арналған «Әділетті болашақ үшін» сайлауалды бағдарламасы таныстырылды. Құжатта Қазақстанның алдағы бес жылдағы дамуының негізгі бағыттары айқындалған. Басымдықтардың қатарында – қолжетімді баспана және ауқымды цифрлық трансформация.
Құжат барлығы жеті флагмандық мақсатты қамтиды, олардың ішінде азаматтарды қолжетімді баспанамен қамтамасыз ету, денсаулық сақтауды дамыту, жаңа жұмыс орындарын ашу, кәсіпкерлікті қолдау, ауылдық аумақтарды дамыту, азық-түлік және энергетикалық қауіпсіздікті нығайту, сондай-ақ елді болашақ экономикасына дайындау бар. Партия оларды іске асыруды мемлекеттік саясаттың он басым бағыты арқылы қамтамасыз етуді ұсынады. Сол күні Алматы қалалық сайлауалды штабы да жұмысқа кірісті.
Штабтың алғашқы отырысын партияның Алматы қалалық филиалының басшысы, қалалық сайлауалды штабтың төрағасы Станислав Канкуров өткізді. Қалалық штаб құрамына Құрылтай депутаттығына кандидаттар, қоғамдық бірлестіктердің, ардагерлер ұйымдарының өкілдері және партия белсенділері енді. Штаб жұмысында Алматы қалалық ардагерлер кеңесінің атынан төрағаның орынбасары Курмангалиев Серик Шолпанкулович өкілдік етеді.
Алматы қалалық сайлауалды штабының жалпы саны 200 адамды құрайды. Сайлау науқаны кезеңінде Алматыда 857 үгіт-насихат іс-шарасын, оның ішінде сайлаушылармен кездесулер, қоғамдық талқылаулар және басқа да ақпараттық-түсіндіру акцияларын өткізу жоспарланған.
Отырыс барысында қатысушыларға партияның «Әділетті болашақ үшін» сайлауалды бағдарламасының негізгі ережелері таныстырылды. Сондай-ақ науқан кезеңіндегі қалалық штаб қызметінің негізгі бағыттары айқындалып, партияның сенім білдірілген өкілдеріне куәліктер табыс етілді.
Алматы қалалық сайлауалды штабының жұмысын бастауы алдағы сайлауға дайындықтың және партия бағдарламасын іске асырудың маңызды кезеңі болды.
Zakon.kz - Қазақстан және әлем жаңалықтары
