2026 жылғы 20 мамырда Алматы қаласы Алатау ауданы әкімдігінің мәжіліс залында Алматы қалалық ардагерлер кеңесінің төрағасы Бижанов А.Х.-ның аудан ардагерлері және зейнеткерлерімен кездесуі өтті.
Іс-шараның негізгі тақырыбы қолданыстағы мемлекеттік әлеуметтік қолдау шаралары және егде жастағы азаматтарды әлеуметтік қамсыздандыру мәселелері болды.
Кездесу аясында қатысушыларға әлеуметтік төлемдерді ұсыну тәртібі, зейнетақылар мен жәрдемақылар мөлшерінің өзгеруі, сондай-ақ ардагерлерді әлеуметтік қорғау деңгейін арттыруға бағытталған мемлекеттік бастамалар туралы ақпарат берілді.
Талқылауға жұмыспен қамту және әлеуметтік бағдарламалар бөлімінің басшысы Тусупбекова А.Е. қатысты. Кездесуге қатысушылар өздерін қызықтырған мәселелер бойынша толық кеңес ала алды. Іс-шараға барлығы 40 адам қатысты.
Іс-шара соңында ардагерлерге ақпараттық материалдар мен естелік блокноттар таратылды. Өтініш білдірген барлық азаматтарға қажетті түсініктемелер мен ұсынымдар берілді.
