2026 жылғы 4 наурызда Бостандық ауданы ардагерлер кеңесінің XIII есепті-сайлау конференциясы өтті.
Конференция жұмысына Бостандық ауданының әкімі Калдыбеков А.Б., аудан әкімінің орынбасары Кеңесбай А.А., әкімдіктің қоғамдық даму, мәдениет және білім беру бөлімдерінің басшылары, Алматы қалалық ардагерлер кеңесінің төрағасы Бижанов А.Х., аудандық ардагерлер кеңесінің активі, тұрақты комиссиялардың төрағалары, Ұлы Отан соғысы мен тыл ардагерлері, ауданның құрметті азаматтары, сондай-ақ зиялы қауым өкілдері қатысты. Барлығы 92 адам.
Күн тәртібіне аудандық ардагерлер кеңесі төрағасының есепті баяндамасын, тексеру комиссиясының есебін тыңдау, ардагерлер кеңесінің жаңа құрамын және қалалық конференцияға делегаттарды сайлау мәселелері енгізілді.
Бостандық ауданының әкімі Калдыбеков А.Б. өз сөзінде аға буын өкілдеріне алғыс білдіріп, олардың көпжылдық еңбегі мен өмірлік тәжірибесі жас ұрпаққа лайықты үлгі екенін атап өтті. Ол сондай-ақ елдің маңызды саяси оқиғасы — 15 наурызда өтетін республикалық референдумға белсенді қатысуға шақырды.
Конференция қорытындысы бойынша аудандық ардагерлер кеңесінің төрағасы болып Саденов Ж.С., төрағаның орынбасары болып Абилханов Р.А., жауапты хатшы болып Кусанова Г.Б. сайланды.
Қорытынды сөзбен Алматы қалалық ардагерлер кеңесінің төрағасы А.Х. Бижанов сөйлеп, кеңестің жаңадан сайланған құрамын құттықтады және ардагерлер ұйымының алдағы белсенді қызметінің маңыздылығын атап өтіп, оған жемісті жұмыс тіледі.
Конференция барысында ардагерлер кеңесі бұдан әрі де ауданның қоғамдық өміріне белсенді қатысып, ұрпақтар сабақтастығын нығайтатыны және ұлттық құндылықтарды сақтау мен дәріптеу жөніндегі жұмысты жалғастыратыны атап өтілді.
